Policia e Krujës ka identifikuar dhe shpallur në kërkim një 26-vjeçar, i cili dyshohet se vendosi një sasi tritoli në murin rrethues të një biznesi në Fushë Krujë 2 ditë më parë.
Pas njoftimit të shtetasit D. M., se gjatë natës së datës 05.03.2025, në murin rrethues të dyqanit të tij, në Fushë Krujë, kishte shpërthyer lëndë plasëse, që kishte shkaktuar dëme të vogla materiale, policia identifikoi autorin e dyshuar të rastit, shtetasit K. C., 26 vjeç, banues në Krujë.
Lexo edhe :
Në vijim të veprimeve procedurale, 26-vjeçari u shpall në kërkim, për veprat penale “Shkatërrimi i pronës me eksploziv” dhe “Mbajtja pa leje dhe prodhimi i armëve, armëve shpërthyese dhe i municionit”. Punohet intensivisht për lokalizimin dhe ndalimin e tij./vizionplus.tv
