I gjenden armë zjarri në banesë, pranga 56 vjeçarit

Një tjetër rast i armëmbajtjes pa leje është goditur në Fier. Policia bën me dije se një 56 vjeçar me iniciale T.G. ka rënë në prangat e policisë pasi në banesë i është gjetur një armë zjarri.

Ndërkohë në cilësinë e provës materiale është sekuestruar 1 armë zjarri automatike me 2 krëhëra, 1 pistoletë me 1 krëhër dhe 148 fishekë.

Në përfundim të veprimeve të kryera, Specialistët për Hetimin e Krimeve në Komisariatin e Policisë Fier bënë arrestimin në flagrancë të shtetasit T.G për veprën penale “Prodhimi dhe mbajtja pa leje e armëve luftarake dhe e municionit”.