Në gjykatën e Apelit të Posaçëm po zhvillohet procesi ndaj Festim Bexhdilit, kopshtari i kompleksit “Golden Resort” në Shijak, i dyshuar për rrëmbimin dhe zhdukjen e Jan Prengës.
Bexhdili ishte dënuar me burg përjetë, por vendimi u prish nga Gjykata e Lartë dhe çështja u kthye për rigjykim.
Lexo edhe :
Related Posts
Avokati Ilir Murati ka kërkuar pyetjen e të pandehurve të tjerë Aldo Majnishta dhe Dritan Rexhepi.
SPAK pretendon se Bexhdili ka patur një celular EncroChat, por nuk është zbërthyer.
Bexhdili pretendon se nuk ka përdorur EncroChat. Avokati thotë se janë zbërthyer komunikimet në Sky ECC dhe Altin Hajri nuk ka komunikime me Festim Bexhdilin.
Komunikimet e Hajrit janë me të pandehurin Dritan Funiqi, i cili udhëzon që Festim Bexhdili të mbyllë gojën.
Avokati kërkon thirrjen e një eksperti që të interpretojë pamjet filmike.
Nga ana tjetër, prokurorja Elida Kackini deklaron se janë sekuestruar dy celularë, njëri prej tyre është i enkriptuar, gjatë momentit të arrestimit të Bexhdilit. Bexhdili nuk ka komunikime me Altin Hajrin dhe Gentian Docin (Funiqin) për shkak se telefoni i enkriptuar ishte ndërkohë i sekuestruar.
Kackini: Bexhdili është pjesë e grupit kriminal dhe nuk është gjendur rastësisht në vendin apo kohën e gabuar.
Avokati: Ekspertoni telefonin dhe na sillni prova, te sqarohet nëse Bexhdili ka apo jo kominikime. Për të krijuar bindje të plotë duhen prova të reja. Duhet zbërthyer telefoni dhe të konfirmohet nëse ka ose jo komunikime.
Gjykata ka urdhëruar shoqërimin e Aldo Majnishtës dhe Dritan Rexhepit të cilët do të pyeten në procesin ndaj Bexhdilit./vizionplus.tv
