Policia në Norvegji kreu kontroll në pronat që i përkisnin ish-kryeministrit Thorbjorn Jagland, si pjesë e një hetimi mbi lidhjet e tij me Jeffrey Epstein.
“Policia me njësinë e specializuar për krime ekonomike në Okokrim po kryen aktualisht kontrolle në banesën dhe pronat e Thorbjorn Jagland”, tha avokati i tij, Anders Brosveet.
Një ditë më parë, Komiteti i Ministrave në Këshillin e Europës i ka hequr imunitetin ish-Sekretarit të Përgjithshëm, Thorbjorn Jagland pas një kërkese nga autoritetet norvegjeze për të ndjekur procedurat në lidhje me akuzat për korrupsion.
Hetimi do të përqendrohet në faktin nëse Jagland ka marrë dhurata ose favore në lidhje me pozicionet e tij.
Jagland përmendet disa herë në një mori faqesh të publikuara javën e kaluar nga autoritetet amerikane për Epstein
