Pogradec – Policia ka arrestuar autorin e dyshuar të djegies së një automjeti tip “Range Rover”, ngjarje e ndodhur dy ditë më parë në lagjen nr. 1 të qytetit.
Burime pranë grupit hetimor bëjnë me dije se i ndaluari është shtetasi J.M., rreth 40 vjeç, banues në Korçë, i njohur me nofkën “Dadëmi”.
Lexo edhe :
Related Posts
Sipas të dhënave paraprake, shtetasi J.M. ka pranuar se është paguar për t’i vendosur zjarrin automjetit që i përkiste një ish-efektivi policie, shtetasit E.M.
Gjithashtu, mësohet se gjatë marrjes në pyetje ai ka pranuar edhe djegien e një automjeti tjetër më 28 dhjetor në Pogradec, mjet në pronësi të shtetasit A. Musollari.
Burime policore konfirmojnë se “Dadëmi” ka pranuar autorësinë e të dyja ngjarjeve.
Nga hetimet paraprake rezulton se ai nuk ka pasur konflikt me asnjërin prej pronarëve të mjeteve, ndërsa dyshohet se ka vepruar kundrejt pagesës nga persona të tjerë.
Për të djegur automjetin e ish-policit thotë se është paguar 50 mijë lekë.
Policia po vijon hetimet për identifikimin e porositësve dhe zbardhjen e plotë të dinamikës së ngjarjeve./vizionplus.tv
