Policia e Matit ka identifikuar dy persona që ditën e djeshme i dogjën automjetin një 30-vjeçari dhe ka arrestuar njërin prej tyre.
Si rezultat i hetimeve të thelluara, të kryera menjëherë pas denoncimit të një 30-vjeçari, se i kishin djegur automjetin, gjatë orëve të para të mëngjesit të datës 01.06.2025, në Burrel, shërbimet e Komisariatit të Policisë Mat, në kuadër të operacionit “Firemen”, zbardhën autorësinë e rastit.
Në pranga ka rënë shtetasi E. K.(H.), 24 vjeç, banues në fshatin Zenisht, ndërsa është shpallur në kërkim shtetasi J. S., 25 vjeç, banues në Burrel.
Gjithashtu, në lidhje me këtë rast, nisi procedimi në gjendje të lirë për shtetasin R. K., 23 vjeç, banues në Burrel, për veprën penale “Moskallëzimi i krimit”./vizionplus.tv
