I dashuri i plagosi ish-burrin dhe u arratisën të dy, arrestohet pas tre muajsh Melisa Beluli! Asnjë gjurmë nga Klement Beqaj

Policia e Fierit ka vënë në pranga 29-vjeçaren Melisa Beluli (Hoxhallari), e shpallur në kërkim që prej 5 janarit.

Gjykata e Fierit i ka caktuar masën e sigurisë “Arrest në burg”, për veprat penale “Plagosja e rëndë me dashje” dhe “Prodhimi dhe mbajtja pa leje e armëve, armëve shpërthyese dhe municionit”.

Lexo edhe :

Related Posts

U plagos nga i dashuri i ish-bashkëshortes, 40-vjeçari nga Fieri në luftë për jetën! Ngjarja në sy të fëmijës së mitur, “çifti” në kërkim

Më datë 05 janar, në lagjen “Apollonia”, dyshohet se shtetasi Klement Beqaj (aktualisht në kërkim), në bashkëpunim me 29-vjeçaren, plagosi me armë zjarri, shtetasin G. H., 40 vjeç.

Klement Beqaj është i dashuri i Melisa Belulit, ndërsa 40-vjeçari i plagosur ish-bashkëshorti i saj.

Si ndodhi ngjarja 

Ngjarja ka ndodhur rreth orës 21:00 të mbrëmjes së 5 janarit.

25-vjecari Klement Beqaj, ditën e ngjarjes, shkoi në lokalin pranë vendit të quajtur “Zogu i Zi “ në Fier, ku gjendej ish-bashkëshorti i së  dashurës me djalin  e mitur dhe sipas dëshmitarëve, pas një debati të çastit e qëlloi me një plumb.

Prezente në momentin e ngjarjes së rëndë ka qënë dhe ish-bashkëshortja e të plagosurit, Melisa Beluli, e cila është larguar menjëherë  me të dashurin me një automjet tip “ Ford”.

40-vjeçari, me iniciale G. H, u transportua me urgjencë  drejt Spitalit Rajonal të qytetit ku iu nënshtrua një ndërhyrjeje kirurgjikale, por për shkak të gjendjes së rëndë u transportua drejt spitalit të Traumës në Tiranë.

Ngjarja e rëndë ndodhi në sy të djalit të mitur të të plagosurit./vizionplus.tv