Një gjykatës i San Franciskos ka urdhëruar që personi i akuzuar për hyrjen në shtëpinë e kryetares së Dhomës së Përfaqësuesve, Nancy Pelosi, duke rrahur burrin e saj dhe duke kërkuar ta rrëmbejë atë, të mbahet në burg pa kusht.
Adam Lipson, avokati i të pandehurit David DePape, u deklarua i pafajshëm në emër të tij gjatë seancës së shkurtër dëgjimore të martën në Gjykatën e Lartë në San Francisko.
Ishte shfaqja e parë publike që nga sulmi i së premtes herët për zotin DePape, një aktivist ekstremist i tërhequr nga teoritë e konspiracionit.
Prokurorët pretendojnë se ai donte të rrëmbente zonjën Pelosi dhe t’i thyente gjunjtë si një paralajmërim për ligjvënësit e tjerë demokratë.
Sulmi ndaj 82-vjeçarit Paul Pelosi shkaktoi valë tronditëse në botën politike disa ditë para zgjedhjeve të 8 nëntorit për në Kongres.
