Elsaid Hysaj u shfaq përkrah trajneritr Reja në konferencën e fundit për shtyp para ndeshjes me Islandën këtë të martë.
Shkodrani shfaqi shenja pakënaqësie për të gjitha ata që lëshuan një mori me kritika drejt skuadrës pas humbjes me Francën 4 me 1.
Mbrojtësi i Napolit tha se ai dhe e gjithë skuadra jep gjithmonë maksimumin kur zbret në fushën e lojës me fanellën kuqezi. Hysaj tha se ai askush nuk vjen në kombëtarë për lekë.
“Të gjithë çunat vijnë këtu me qejf, për të luajtur me fanellën e Shqipërisë dhe për të dhënë më të mirën. Ndeshjet zgjatin 90 minuta dhe çdokush gabon minimalisht njëherë, por nuk jam dakord me ato sulme që vijnë nga pas kompjuterit. Ne nuk vijmë këtu për lekë, por për të dhënë maksimumin dhe këtë bëmë edhe në Francë. Nuk është dramë të humbësh me Francën, pasi 2-3 lojtarë të saj vlejnë më shumë se të gjithë ne.
Sa I takon zhurmës së krijuar në media për shiritin e kapitenit, Hysaj u shpreh:
Unë jam i kënaqur që të mbaj shiritin, pasi është nder dhe përgjegjësi për mua, që të përfaqësoj vendin tim si kapiten. Besoj se në disa raste kam sjellë edhe fat, pasi kemi marrë fitore. Besoj se do t’ia dalim edhe këtë herë. Nesër besoj se do të arrijmë të shprehemi mirë dhe të marrim maksimumin. Kam besim te skuadra dhe jemi të karikuar për të dhënë më të mirën. Dihet që do të jetë një ndeshje e vështirë, por e gjithë skuadra ndjen se është momenti ynë nesër dhe se jemi gati të bëjmë një ndeshje shumë të bukur, për të marrë edhe fitoren.
Në fund një koment edhe për paraqitjet fantastike të Kosovës.
Unë Kosovës i uroj shumë suksese. Ata kanë brenda zjarrin që patëm ne kur arritëm të shkojmë në Europian dhe u uroj që të vazhdojnë kështu”.
