Rrëshqiti në stokun e kromit, humb jetën roja 58-vjeçar në minierën e Bulqizës

Një person humbi jetën në stokun e kromit jashtë minierës së Bulqizës këtë të shtunë.

58-vjeçari Bashkim Keta gjeti vdekjen në vendin ku punonte si roje.

Sipas policisë që shkoi në vendin e ngjarjes dyshohet se Keta rrëshqiti nga masivi i kromit dhe për pasojë humbi jeten.

Në trupin e tij u konstatuan plagë që dyshohet se u shkaktuan pikërisht nga rrëshqitja aksidentale e 58-vjeçarit.