Analisti Nexhmedin Spahiu ka komentuar aktakuzën e Prokurorisë Speciale kundër Hashim Thaçit dhe Kadri Veselit për krime lufte, si dhe për pasojat e këtij vendimi në dialogun Kosove-Serbi.
Në një lidhje me edicionin e lajmeve në “Vizion Plus”, Spahiu shprehet se ishte një ngjarje që pritej të ndodhte, por nuk dihej momenti.
“Kjo ka qenë një gjë e pritur, që me themelinim e Tribunalit Special, por ndoshta ka qenë në pikëpyetje momenti se kur do të ndodhë. Ndodhja e kërkoi momentin para se të bëheshin bisedimet në Ëashington mes Kosovës dhe Serbisë në Shtëpinë e Bardhë, e lexoj si një gjë që amerikanët kanë dashura të sakrifkojnë Thacin dhe Veselin për të marrë pozicion negociues më të fortë karshi Serbisë. Të gjithë ato që kanë negociuar për shkëmbimin e kufijve, territoreve ka qenë një lojë, e cila e ka tërhequr Beogradin që të vijë deri tek tryeza e bisedimeve. Tërheq edhe rusët në këtë drejtim, falë kësaj iniciative ka ndodhur edhe takimi mes Thaçit dhe Putin.”
I pyetur nëse kjo është një pasojë e përplasjes mes SHBA-së dhe BE-së, analisti deklaroi që “ata kanë interes që Kosova të njihet nga Serbia, si dhe të ketë paqe e stabilitet në rajon”.
“Amerikanët janë më të impenjuar rreth të sigurisë në rajon, ndërsa evropianë duan një atmosferë më demokratike”, shtoi Spahiu.
Sa i përket vendimit të kryeministrit të Kosovës Avduallah Hoti për të anuluar takimin që ishte planifikuar të mbahej më 27 qershor në Shtëpinë e Bardhë, Nexhmedin Spahiu e konsideroi një “gabim trashanik”.
“Kryeministri Hoti ka bërë një gabim trashanik që nuk ka shkuar në Washington. Nuk pati kurajo që të shkonte në Shtëpinë e Bradhë. Ka dëmtuar vetveten dhe interesat e Kosovës.”
