Presidentja e Kosovës, Vjosa Osmani dhe kryeministri Albin Kurti, kanë zhvilluar homazhe për personat e pagjetur. Presidentja Osmani ka kërkuar nga Serbia që të pranojë propozimin për të ndihmuar në gjetjen e t zhdukurve të luftës.
VJOSA OSMANI
PRESIDENTJA E KOSOVËS
Kosova ka treguar konstruktivitet dhe ka dhënë propozime konkrete. Për fat të keq Serbia akoma nuk e ka pranuar këtë propozim, por shpresojmë që me trysni ndërkombëtare që përfundimisht të arrihet kjo marrëveshje, e cila do ta shtrinte rrugën për zbardhjen e fatit të të zhdukurve me dhunë.
Ndër të tjera Osmani kerkoi qe ndërkombëtarët të ushtrojnë më tepër presion ndaj Serbisë.
VJOSA OSMANI
PRESIDENTJA E KOSOVËS
Sot përkujtojmë një ndër krimet më të llahtarshme të regjimit gjenocidal të Serbisë, që është krim i dyfishtë. Bëjmë thirrje që së bashku me komunitetin ndërkombëtar të rrisim angazhimin qe Serbia të përgjigjet për krimet e kryera por edhe të tregojë vendndodhjen e më te dashurve tanë.Siç e dini, në dialogun me Serbinë është prioritizuar çështja e të zhdukurve me dhunë dhe institucionet e Kosovës janë duke bërë të pamundurën në mënyrë që nëpërmjet këtij procesi, përfundimisht Serbia të japë të gjitha të dhënat që do të na çonin deri te zbardhja e fatit të të zhdukurve me dhunë nga lufta e fundit në Kosovë.
Ndërsa kryeministri Kurti theksoi se Beogradi duhet të jete bashkëpunues në këtë çështje.
ALBIN KURTI
KRYEMINISTRI I KOSOVËS
Si institucione kemi përgjegjësi të bëjmë gjithçka që mundemi dhe dimë që sa më parë të zbardhet fati i të pagjeturve dhe që me faktorët ndërkombëtarë të bëjmë trysni që në Beograd te hapën arkivat. Përveç qe duhet të hapën arkivat (në Beograd), edhe prokuroria te ne duhet të jetë shumë më aktive, gjyqësori shumë më efikas, sepse deri tek e vërteta arrihet edhe nëpërmjet drejtësisë, nëpërmjet kërkimit të përgjegjësisë prej atyre të cilët i vranë, i varrosen, i zhvarrosen, i dërguan në Serbi , i varrosen atje dhe më pas ku u zhvarrosen nga ato pesë varreza masive qe mbase ka edhe më shumë se aq.
Kryeministri u bëri thirrje qytetarëve te ndhmojne institucionet nëse kanë dijeni për fatin e të zhdukurve të luftës.
