Muhamed Sejdini është zgjedhur në krye të Presidencës së Federatës së Futbollit në Maqedoninë e Veriut.
Për herë të parë në historinë e këtij vendi është emëruar një shqiptar në krye të Federatës së Futbollit.
Nga 96 delegatë që duhet të votonin, të pranishmë në zgjedhje ishin 90 nga të cilët 7 votuan kundër Sejdinit.
Por pavarësisht këtij fakti Sejdini arriti të merrte votëbesimin e mjaftueshëm sa për të marrë drejtimin e Federatës.
Ai do të zëvendësojë në këtë post Ilco Gjorgjioskin.
Muhamed Sejdini gjatë pesë viteve të fundit ka mbajtur pozicionin e zv/presidentit në Federatë.