Zgjati vetëm 6 muaj aventura e Higuain tek Milan.
Argjentinasi u transferua tek Chelsea, skuadër që e deshi shumë sidomos falë këmbënguljes së trajnerit Sarri.
Ai e kishte stërvitur “El Pipiten” tek Napoli dhe e sheh atë si sulmuesin me të cilin Chelsea mund të mbushë boshllëkun e duhur në fazën ofensive.
Natyrisht me transferimin në Angli, sulmuesi I njohur kompleton edhe eksperiencat në ligat më të forta të botës. Nga Argjentina me fanelën e River Plate, tek Real Madrid në Spanjë, e pastaj tek Napoli, Juventus dhe Milan në Seria A.
Higuain nuk do të mundet të debutojë në kupën e ligës kundër Tottenham por mund të jetë gati për ndeshjen e radhës te Chelsea në Premier League.
