Prokuroria e Tiranës ka lëshuar 4 fletë arreste, në kuadër të hetimeve të nisura 2 vite më parë për mashtrimin me vlerën e 18 milionë eurove me TVSH-në nëpërmjet disa bizneseve fiktive.

 

Kërkesa për arrestim është miratuar nga Gjykata e Tiranës. Deri më tani nga te akuzuarit është vënë në pranga vetëm një person.

 

Burime nga organi i akuzës pohojnë se është arrestuar administratori i një biznesi fiktiv, Xhon Lama.

 

Nga hetimet ka rezultuar se ai ka tërhequr rreth 375 milionë lekë, 1,4 milionë dollarë dhe 1,1 milionë euro.

 

Personat e hetuar kanë blerë dhe shitur për subjekte të tjerë realë dhe si fatura japin ato të subjekteve fiktive.

 

Një muaj më parë, në kuadër të këtyre hetimeve, në prangat e policisë përfunduan 25 administratorë të disa bizneseve fiktive.

 

Nga hetimet e prokurorisë, rezultoi se pjesë e skemës janë edhe persona të tjerë, për të cilët po kryen verifikime.

 

Në mashtrim janë të përfshira kompani të njohura të ndërtimit në vend, ndërsa të arrestuar janë vetëm ndërmjetësit dhe jo organizatorët e vërtetë.

 

 

Leave a Reply

Your email address will not be published.