Arrestohet një tjetër person për heroine e zbuluar një ditë më parë në një kamion në Elbasan.
U kap në flagrancë shtetasi G. H., 36 vjeç, banues në fshatin Hasmashaj, Peqin.
Dyshohet se shtetasi G. B., i cili është arrestuar ditën e djeshme, e siguronte lëndën narkotike nga shtetasi G. H.
Një ditë më parë në kuadër të operacionit policor të koduar “Kështjella”, u sekuestruan në cilësinë e provave materiale 4 kilogram e 215 gramë lëndë narkotike e dyshuar heroinë dhe 1039.5 gramë kanabis, automjeti që u gjet lënda narkotike dhe 4 aparate celular .
Ndërkohë vijojnë hetimet për identifikimin dhe kapjen e shtetasve të tjerë të përfshirë në këtë aktivitet kriminal.
