E martë, 17 Nëntor 2026 Takohemi N'vizion deri në 18:00 Në vijim ora 18:00: Trashëgimtari Halef Reklamo Kontakt Karriera
Vizion Plus
Politikë

Hekurudha Durrës-Prishtinë, Rama: Shqipëria dhe Kosova do ta mirëprisnin përfshirjen e Japonisë në projektin strategjik

Kryeministri Edi Rama ka pritur ditën e sotme një përfaqësi të sipërmarrjes japoneze, të cilët do të jenë të përfshirë në projektin strategjik hekurudhor Durrës-Prishtinë.

Në postimin e tij në rrjetet sociale, kryeministri Rama thekson se ka diskutuar edhe me kryeministrin e Kosovës, Albin Kurti, për përfshirjen e sipërmarrësve japonezë në këtë projekt të madh.

Sipas tij, ky projekt ka rëndësi shumë, shumë të madhe për NATO-n, për shkak të Portit të ri në Durrës, i cili do të ketë edhe një degë të dedikuar 100% për veprimtaritë ushtarake dhe ato të NATO-s.

Postimi i Ramës:

Reklamë

👉 Sot në Kryeministri me një përfaqësi të gjerë të sipërmarrjes japoneze🇦🇱🤝🇯🇵

Shqipëria dhe Kosova do ta mirëprisnin përfshirjen e Japonisë në projektin strategjik të hekurudhës Durrës–Prishtinë 🇦🇱🇽🇰🇯🇵

Së bashku me Kryeministrin e Kosovës kemi biseduar më shumë se një herë se sa mirë do të ishte ta përfshinim Japoninë në projektin e hekurudhës së re nga Durrësi në Prishtinë, e cila më pas kalon nëpër Nish dhe lidhet me Europën Qendrore.

Kjo hekurudhë ka gjithashtu rëndësi shumë, shumë të madhe për NATO-n për shkak të Portit të ri në Durrës, i cili do të ketë edhe një degë të dedikuar 100% për veprimtaritë ushtarake dhe ato të NATO-s.

Ky mund të jetë një investim shumë interesant. Nëse e shqyrtoni projektin, do të na vinte shumë mirë të dëgjonim mendimin tuaj.

Së bashku me Qeverinë e Kosovës, jemi gati të punojmë me ju ose me cilindo partner nga Japonia për të parë nëse mund ta realizojmë këtë projekt.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.