Hamasi i vë kusht Izraelit: Nuk lirojmë asnjë peng derisa të përfundojë lufta

Hamasi është zotuar të mos lirojë asnjë peng, për aq kohë sa lufta vijon. Deklarata e fortë u bë nga Saleh Al-Aruri, njëri nga liderët e Hamasit. Ai theksoi se nuk do të  ketë shkëmbime të reja të pengjeve izraelite me të burgosur palestinezë nëse lufta në Gaza nuk përfundon.

Sipas udhëheqjes së Hamasit, pengjet e mbetura janë ushtarë dhe civilë  që kanë shërbyer në ushtrinë izraelite.

Në vazhdim, Al-Aruri sqaroi se për të liruar pengjet e mbetura izraelitë, fillimisht duhet të ketë një armëpushim të plotë dhe lirimin e të gjithë të burgosurve palestinezë.