Dy pengje izraelitë janë lëshuar nga Hamasi këtë të enjte, ndërsa një tjetër pritet të lirohet në vijim si pjesë e marrëveshjes mes Izraelit dhe grupit militant.
Një 80-vjeçar dhe një 29-vjeçar, që ishin rrëmbyer në sulmin e 7 tetorit 2023, u panë të përshëndesnin turmën në një podium në Xhabalia, në Gazën veriore, përpara se t’i dorëzoheshin Kryqit të Kuq.
Në këmbim, Hamasi do të presë sot 110 palestinezë që do të lirohen nga burgjet e Izraelit.
Ky është shkëmbimi i tretë mes Izraelit dhe Hamasit që prej arritjes së armëpushimit më 19 janar, ndërsa më shumë të burgosur pritet të lirohen nëse asnjëra nga palët nuk shkel rregullat e dakorduara./vizionplus.tv
