Pas Konferencës së Donatorëve në Bruksel mbajtur të hënën, kryeministri Edi Rama inspektoi nga afër punimet e fazës së parë të rindërtimit në Durrës, ku mundëson rikthimin e të prekurve nga tërmeti i 26 nëntorit në 1859 apartamente.
Ai ishte i shoqëruara nga zv.ministrja e Brendshme, Rovena Voda, e cila i tregonte se aktualisht po beheshin meremetimet e pallateve. Rama theksoi se pas miratimit të ligjit në Parlament do të sillen edhe punëtorë nga jashtë vendit.
Teksa shikonte nga afër punimet, kreu i qeverisë vuri re tejmbushjen e lokaleve. Në një moment, ai u ndal dhe përshëndeti qytetarët që ishin ulur në kafe, ndërsa iu është drejtuar tre djemëve të rinj që ishin ulur buzë rrugës që të çohen nga kafja e të punojnë, ndërsa tregonte pallatet që riparoheshin. Por, Rama është ndeshur me kundërpërgjigjen e njërit prej tyre, i cili i tha që ka mbaruar një shkollë.
Replikat me Ramës dhe të riut:
Rama: Hë mo cuna, mirë e?
Djemtë: Mirë mo Edi, mirë
Rama: S’keni punë e?
Djemtë: Po pa punë
Rama: Po hajt pra puno këtu
Njëri nga djemtë: Ca në ndërtim?
Rama: Po ca do ti të punosh, do të punosh doganier?
Djali: Po kam mbaruar shkollën unë
Rama: A ke mbaruar shkollën ti, jurist.
