Deputetja e grupit të ri parlamentar, Rudina Hajdari nga foltorja e kuvendit është shprehur se me mbështetjen e SHBA, BE dhe OSBE Reforma Zgjedhore do të përcjellë tek shqiptarët besimin për lirinë e votës së tyre.
Hajdari ka garantuar shqiptarët se tryeza për Reformën Zgjedhore nuk do të kthehet në një alibi për pazarin e radhës politik.
“Viti që kaluam ishte i vështirë ku kriza politike dominoi dhe aventurat me jetën e shqiptarëve e bënë Shqipërinë më të cunguar. Angazhimi im në parlament ka qenë kyç dhe i ka shërbyer vendit. Puna jonë në parlament po fillon të japë frytet e saj. Bashkë me kolegët i kemi shërbyer vendit. Por disa cinike vazhdojnë e sulmojnë akoma. E falënderoj opozitën jashtëparlamentare për angazhimin e saj. Kjo reformë nëse mbështet fortë nga BE, SHBA dhe OSBE do jemi në gjendje ti japim shqiptarëve një reformë zgjedhore të besueshme. Por kjo nuk duhet të kthehet në alibi për një pazar të radhës. Ne duhet të rikthejmë besimin tek vota”.
Gjithashtu deputetja e grupit të ri parlamentar tregoi edhe arsyen pse u ul në tryezën e Refomës Zgjedhore dhe garantoi se nuk do të bëhen bllokues në procesin e integrimit.
“Kjo betejë do të bëhet e fortë. Ne nuk do të çedojmë në asnjë lloj pike. Ne nuk do bëhemi bllokues për integrimin, por nuk do të lejojmë që të bëhet pazari i radhës në kurriz të shqiptarëve”.
