Kryetarja e opozitës parlamentare, Rudian Hajdari ka dhënë detaje në lidhje me takimin e zhvilluar me presidentit Ilir Meta një ditë më parë.
Hajdari shkruan se i kërkoi Metës të ndalet, sipas saj, loja e shëmtuar politike që shënjestron institucionet e drejtësisë për ti delegjitimuar.
Përmes një postimi në Facebook, ajo thekson ndër të tjera se për 29 vite klasa politike shqiptar i ka dobësuar qëllimisht institucionet që autoriteti i vetëm në vend të jenë kryetarët e dy apo tre partive.
“I kërkova Kryetarit të Shtetit, Presidentit të Republikës, dhe në vazhdim do ia kërkoj edhe Kryeministrit e të gjithë faktorëve politikë, që të ndalin urgjentisht lojën e vjetër dhe të shëmtuar politike e cila ka vënë në shënjestër institucionet e drejtësisë me qëllim delegjitimimin e tyre. Për 29 vite me rradhë, kjo klasë politike i ka dobësuar e delegjitimuar qëllimisht institucionet, në mënyrë që i vetmi autoritet në vend të ishin kryetarët e dy apo tre partive. Prandaj për 29 vite Shqipëria ka parë shumë krim dhe aspak ndëshkim. Ka ardhur koha që kjo të marrë fund.
Vendi, sot më shumë se kurrë, ka nevojë jo për burra që hiqen si të fortë para kamerave, por për institucione të forta të cilat japin drejtësi për të gjithë, të varfër apo të pasur, me apo pa pushtet.Ka ardhur koha që vendin ta qeverisin institucionet, ligji dhe kushtetuta.”
