E pranishme në Kuvendin Kombëtar të Partisë Demokratike është edhe Rudina Hajdari, e cila i është përgjigjur pozitivisht ftesës së Sali Berishës për t’u rikthyer në parti.

 

Në fjalën e saj, duke iu referuar përplasjeve dhe përçarjes në kampin blu, ajo bëri thirrje për bashkimin e demokratëve dhe forcimin e PD.

 

Hajdari kërkoi që të punohet për krijimin e një opozitë të fuqishme, më qëllim rikthimin e shpresës te qytetarët shqiptarë.

 

“Edi Rama ka bërë që shqiptarët të jenë më të varfër dhe më të pakët në numër. E vetmja gjë që ka rritur kjo qeveri janë shifrat e korrupsionit. Për shkak se korrupsioni është në këto nivele, asgjë nuk funksionon në këtë vend, përveç propagandës. Sherret, balta dhe dhuna mes nesh duhet të marrë fund. PD duhet të organizojë opozitën më të fuqishme që ka parë ndonjëherë ky vend. Shqiptarët po presin. Dëmi më i madh që i kemi bere vendit është se i vramë shpresën. Nuk kemi kohë për të humbur, duhet të ringrihemi si forcë kombëtare, dhe duhet të bashkojmë shqiptarët. PD duhet të shndërrohet në atë shtëpinë e madhe që babi im donte. PD duhet të kthehet në makth për të gjitha bandat kriminale. Duhet të punojmë fort që në zgjedhjet e ardhme të korrim fitoren. Unë jam e bindur që ne mund ta bëjmë këtë gjë. Ne do t’i kthejmë shpresën shqiptarëve.”

Leave a Reply

Your email address will not be published.