Shoferët u monitoruan edhe gjatë orëve të natës nga policia.
Në rrugën Tiranë-Durrës-Tiranë dhe Tiranë-Krrabë-Tiranë janë regjistruar shpejtësi nga 129 km/h deri në 157 km/h.
Policia Rrugore arrestoi tre shoferë, ndërsa disa u gjobitën për drejtim mjeti në gjendje të dehur dhe pa leje drejtimi.
“Guxim i tepruar për ata që drejtojnë mjetin nën efektin e alkoolit dhe papërgjshmëri për ata që e drejtojnë në gjendje të dehur, pasojat mund të jenë fatale për jetën e të gjithëve përdoruesve të rrugës. Prej orës 17:00 deri në orën 23:00, janë pezulluar 8 leje drejtimi, për shpejtësi që variojnë nga 129 km/h deri në 157 km/h. Si dhe 11 leje drejtimi për drejtim mjeti nën efektin e alkoolit që varionin nga 0.34mg/l deri në 1.25 mg/l. Janë arrestuar 3 drejtues mjetesh, nga këta 2 në gjendje të dehur dhe 1 pa leje drejtimi. Gjithashtu janë vendosur 33 masa administrative për shpejtësi mbi normat e lejuara dhe 19 masa administrative për drejtim mjeti nën ndikimin e alkollit, por pa sanksionin e pezullimit të lejes së drejtimit, bazuar në ndryshimet e fundit të Kodit Rrugor.”
