Grupi i “Treblovës”, Prokuroria kërkon 19 vite burg për 4 të arrestuarit

Prokuroria e Krimeve të Rënda kërkoi 19 vite burg për katër të pandehurit e grupit kriminal të kultivimit dhe tregtimit të kanabisit njohur ndryshe si dosja “Treblova”.

Konkluzionet e organit të akuzës u lexuan këtë të enjte në Gjykatën e Krimeve të Rënda, ndërsa për shkak të gjykimit të shkurtuar, për dënimet e kërkuara ndaj 4 të pandehurve u aplikua ulja me 1/3 e dënimit. Pjesë e grupit kriminal ishte dhe ish-polici Renato Avdyli, por gjykimi ndaj tij u pushua te krimet e rënda për tu transferuar në Vlorë.

Nga hetimet e Prokurorisë ky grup kriminal bashkëpunonte me Moisi Habilajn duke trafikuar kanabis për llogari të tij, në drejtim të Italisë.