120 krerë shpendë janë asgjësuar në fshatin Adë të njësisë administrativë Frakull bashkia Fier. Ato kanë rezultuar të prekura me grip shpendësh dhe janë groposur.
Deklarata është dhënë nga Drejtoria e veterinarisë Fier. Shpendët janë groposur larg qendrave të banuara, në një territor që nuk përshkohet nga ujërat nëntokësorë.
Shërbimi zooveteriner ka marrë edhe 82 kampione gjaku në shpendë në këtë zonë. Ndërkohë që po ushtrohen kontrolle në pulari dhe në pronat private të fermerëve të zonës. Deri tani nuk janë shfaqur shenja të gripit të shpendëve te njerëzit.
