Kryeministri Edi Rama, e ka nisur mëngjesin e ditës së sotme, duke bërë me dije se 12.280 punonjës të administratës me pagë nën 60 mijë lekë bruto, duke nisur nga sanitaret, punëtorët e shërbimeve mbështetëse, shoferët, nëpunësit e shkallëve më të ulëta, do të përfitojnë nga vendimi i qeverisë për Pakon e Madhe një vlerë 20 000 lekë (të reja).
Rama nuk ka kursyer ‘shigjetimet’ ndaj opozitës, ku kreu i PD, Sali Berisha, e quajti Pakon e Madhe të qeverisë një pilulë elektorale me efekt minimal.
“MIRËMËNGJES
dhe me kënaqësinë që 12.280 punonjës të administratës me pagë nën 60 mijë lekë bruto, duke nisur nga sanitaret, punëtorët e shërbimeve mbështetëse, shoferët, nëpunësit e shkallëve më të ulëta, do të përfitojnë nga vendimi i qeverisë për Pakon e Madhe një vlerë 20 000Lekë (të reja), ju uroj të gjithëve të dashur miq gojëmbël e gojëthartë një ditë të fundit të vitit të paqme pranë familjeve tuaja“, shkruan Rama.
