Policia e Athinës ka goditur 6 grupe kriminale duke arrestuar në total 50 persona, të dyshuar si të përfshirë në grabitje të ndryshme, trafik droge si dhe në falsifikimin e parave.
Policia ka identifikuar 187 persona të dyshuar si anëtarë të këtyre grupeve kriminale, ndërkohë që nga të arrestuarit 34 janë shqiptarë. Por sipas mediave greke, numri i shqiptarëve të përfshirë është 69.
Pas hetimeve disamujore policia doli në përfundimin se grupet janë përgjegjës për 480 grabitje, 120 vjedhje makinash, shitje të dhjetra kg klanabis dhe kokaine si dhe mijëra kartomonedha të falsifikuara.
Pjesë e këtyre grupeve është dhe shqiptari i cili është autor i plagosjes së tre të rinjve nga Kreta në 16 dhjetor të vitit të kaluar në Gazi të Athinës, ndërkohë që është zbuluar edhe vrasja e një afgani e ndodhur në Athinë në 8 mars të këtij viti.
Sipas dosjes njëri nga shqiptarët Anxhelo Cenkaj 18-vjeç në bashkëpunim me të kërkuarin Akil Topi, 36-vjeç nga Elbasan janë autorë të vrasjes së afganit për shkak të prishjes së pazareve të drogës.
Gjatë operacionit janë sekuestruar mbi 73 mijë euro si dhe shuma në valuta të ndryshme, mbi 16 kg kanabis, kokainë, 6 armë zjarri, automjete, municione luftarake etj. /vizionplus.tv
