Gjyqi për pronat i merr jetën gjyqtarit/ 30-vjeçari qëllon me armë mbi Astrit Kalanë dhe palën kundërshtare pas vendimit të gjykatës

Një ngjarje e rëndë ka ndodhur ditën e sotme në Gjykatën e Apelit në Tiranë, ku mbeti i vrarë gjyqtari Astrit Kalaja dhe u plagosën dy të tjerë.

Autori i dyshuar i ngjarjes Elvis Shkëmbi është arrestuar menjëherë pas ngjarjes. Burime për gazetarin e Vizion Plus, Esido Barkaj, 30-vjeçari ka qëlluar me armë pasi gjykatësi Kalaja ka dhënë vendim në favor të të plagosurve.

Lexo edhe :

Related Posts

EMRAT/ Gjyqtari mori plumb në gjoks, të plagosur mbetën dhe babë e bir pas sulmit me armë në gjykatë

Në proces gjyqësor për pronat, policia sqaron ngjarjen! 30-vjeçari vret gjyqtarin dhe plagos palën kundërshtare

U qëllua me armë brenda Gjykatës, ndërron jetë gjyqtari Kalaja, dy të plagosur

Nga të shtënat mbeti i vrarë gjyqtari Astrit Kalaja si dhe u plagosën babë e bir Rakip dhe Ervis Kurtaj.

Pas përfundimit të vendimit gjyqtari ka dalë në koridor ku është qëlluar nga autori. Ky i fundit menjëherë armën ia ka dhënë rojës së sigurisë së gjykatës. Pas kësaj ai ka dalë te dera e gjykatës ku i ka thënë patrullës s policisë që unë jam autori.

Njoftimi i policisë:

Rreth orës 15:40, në ambientet e Gjykatës së Apelit të Juridiksionit të Përgjithshëm Tiranë, gjatë një procesi gjyqësor, dyshohet se shtetasi E. Sh., 30 vjeç (palë në proces) ka qëlluar me armë zjarri drejt gjyqtarit, shtetasit A. K., dhe shtetasve R. K., 65 vjeç dhe E. K., 45 vjeç, atë e bir (pala tjetër në proces). 

Si pasojë ka humbur jetën shtetasi A. K. dhe janë plagosur shtetasit R. K. dhe E. K, të cilët janë jashtë rrezikut për jetën.

Shërbimet e Policisë me marrjen e njoftimit kanë shkuar menjëherë në vendngjarje dhe kanë bërë të mundur  kapjen dhe shoqërimin në ambientet e DVP Tiranë, të autorit të dyshuar, shtetasin E. Sh., si dhe kanë sekuestruar armën e krimit.

Në vijim do të jepet informacion më i plotë për ngjarjen.