Një gjykatë në Moskë refuzoi këtë të shtunë apelin e kritikut të Vladimir Putin, Alexey Navalny, i cili kundërshtoi dënimin me tre vjet burg.
Sipas tij, ky vendim është politik.
Trupa gjyqësore vendosi të bëjë vetëm një ulje të vogël të dënimit. Avokati i Navalnyt tha se ai do të qëndrojë në burg për gati 2.5 vjet.
Navalny reagoi pas vendimit të gjykatës.
“Ata e ulën dënimin me një muaj e gjysmë. E përsosur!”, tha ai me ironi.
Navalny u kthye në Rusi muajin e kaluar nga Gjermania, ku u kurua pas një helmimi.
