Një opozitar emblematik rus, Ildar Dadine i burgosur prej 15 muajsh në një burg mjaft të rreptë në Siberi, u la i lirë me urdhër të Gjykatës së Lartë ruse, që rrëzoi dënimin e shpallur në dhjetorin e 2015.
Dadine, 34 vjeçar ishte dënuar me dy vite e gjysmë burg për protesta të paautorizuara, dhe ishte i pari opozitar pacifist i dënuar në bazë të një ligji të vitit 2014 që parashikon deri në pesë vite burg për cilindo që organizon më shumë se dy manifestime të paautorizuara brenda një afati gjashtë mujor.
Ky ligj u denoncua nga të gjitha organizatat për mbrojtjen e të drejtave të Njeriut, dhe vendimi këtë javë i Gjykatës së Lartë vjen pas atij të Gjykatës Kushtetuese që cilësoi se dënimet e parashikuara nga ky ligj ishin totalisht të papërshtatshme për protestuesit paqësor, duke i ridhënë pakëz shpresë përballë ofensivës legjislative të presidentit Putin për t’i mbyllur gojën opozitës.
“Do të vijoj betejën time kundër regjimit fashist të Putin, në mënyrë që të drejtat e Njeriut të respektohen në Rusi”, deklaroi Dadine për stacionin e pavarur televiziv në internet “Dojd”.
