Gjobitet gazetarja ruse, ndërpreu transmetimin duke bërë thirrje kundër luftës në Ukrainë

Gazetarja, e cila një ditë më parë ndërpreu transmetimin në televizionin shtetëror rus, duke dalë me një pankartë kundër luftës, është gjobitur me 213 dollarë.

Ajo u u akuzua për “organizim të një ngjarjeje masive të paligjshme”.

Gazetarja u shfaq gjatë edicionit te lajmeve, me një pankarte ku shkruhej: “Ndaloni luftën. Mos i besoni propagandës, këtu po ju gënjejnë, rusët janë kundër luftës”.

Ndërsa në një video të postuar në rrjetet sociale, gazetarja iu bëri thirrje njerëzve që të protestojnë kundër luftës, për të ndaluar, sipas saj, këtë çmenduri.