Gjirokastër, kapen dy të dyshuar për vrasjen

Policia e Gjirokastrës ka arrestuar dy persona qe dyshohet se kane lidhje me vrasjen e 29-vjeçarit Dorjan Lluka, ditën e marte. Emiljano Vocka dhe Samuel Jaçe u prangosen, pasi akuzohen për moskallëzim krimi. Sipas policisë, Emiljano Vocka ka qenë në makinë me autorin e vrasjes, Enerik Lluka dhe dyshohet se i ka dhënë atij pistoletën, me të cilin qëlloi mbi Dorjan Llukën. Burime nga policia bëjnë me dije se dy të arrestuarit kanë qenë dëshmitare në vendin e ngjarjes, por ata janë larguar dhe nuk e kanë denoncuar ngjarjen. Te martën, Enerik Lluka qëlloi për vdekje kushëririn e tij Dorjanin dhe la të plagosur rëndë Bilbil Lluken, pas një konflikti te dyshuar per çështje pronësie.