E ftuar në Spoltight nga Alban Dudushi, në Vizion Plus, aktivistja dhe juristja Brizida Gjikondi u shpreh se kryeministri Rama duhet të bëjë një “mea culpa”. Sipas saj, ai nuk mund të kalojë lumin duke u marrë vetëm me Bashën.
“Ai vjen nga 8 vite pushtet, nuk mund të shmangë përgjegjësitë e tij. Duhet të bëjë dhe një pasqyrë të pushtetit të tij, të mbarëvajtjes. Ai duhet të bëjë një ‘mea culpa’, për ato që nuk bëri si duhet, për ato që bëri më mirë se ç’duhet. Nuk mund ta kalojë lumin duke u marrë vetëm me Bashën. Nuk është në pozita të barabarta me Bashën.”
