Kancelari gjerman Olaf Scholz dhe partnerët e tij të qeverisë kanë arritur një marrëveshje në parim për buxhetin e vitit 2025 pas javësh negociatash, tha një burim pranë koalicionit këtë mëngjes, duke i dhënë fund një mosmarrëveshjeje të gjatë që kërcënoi unitetin e qeverisë gjermane.

“Kishte një marrëveshje” brenda natës midis Scholz, Zëvendës-Kancelarit dhe Ministrit të Ekonomisë Robert Habeck ( Të Gjelbrit), Ministrit të Financave Christian Lindner (Demokratët e Lirë, FDP), të cilët u takuan të enjten pasdite, tha burimi.

Shkaku i krizës ishte kërkesa e ministrisë së Financave për të kursyer rreth 30 miliardë dollarë deri në vitin 2025.

Të Gjelbrit dhe shumë figura socialdemokrate kanë kërkuar që të lejohet rritja e deficitit buxhetor në mënyrë që të ringjallet ekonomia dhe të financohet riarmatimi i Gjermanisë përballë kërcënimit rus.

Sipas burimeve qeveritare që folën për DPA dhe mediat gjermane, qeveria do t’i përmbahet frenimit të borxhit në vitin 2025.

Kjo masë i lejon Gjermanisë të ketë një deficit buxhetor federal prej 24 miliardë eurosh në 2025.

Sot në mëngjes kancelari gjerman do të prezantojë marrëveshjen para grupeve parlamentare të tri partive në qeveri: Social Demokratët (SDP), të Gjelbrit dhe Demokratët e Lirë./vizionplus.tv

Leave a Reply

Your email address will not be published. Required fields are marked *