Me mbi dy miliardë përdorues aktivë, WhatsApp është pa dyshim një nga aplikacionet më të njohura në të gjithë botën. Kjo e bën WhatsApp një shënjestër kryesore për hakerat. Por ka disa gjëra që mund të bëni që llogaria juaj të jetë e mbrojtur nga kriminelët kibernetikë.
-Aktivizo verifikimin me dy hapa
Verifikimi me dy hapa është një opsion që shton më shumë siguri në llogarinë tuaj. Për të mundësuar verifikimin me dy hapa, hapni WhatsApp-Cilësimet-Llogaria-Verifikimi me dy hapa-Aktivizo. Pasi të keni konfiguruar kodin tuaj PIN me gjashtë shifra, WhatsApp herë pas here do t’ju kërkojë që të kontrolloni se jeni ju. WhatsApp tha: “Asnjëherë mos ndani me të tjerët një kod gjashtëshifror, edhe nëse personi tjetër mund të jetë dikush që njihni ose që i besoni.”
-Përdorni “Face Lock”
Nëse përdorni WhatsApp në një iPhone, mund të aktivizoni “Touch ID” ose “Face ID”. Për ta aktivizuar, hapni Cilësimet në WhatsApp dhe shtypni Llogaria-Privatësia-Lock Screen. Aktivizo “Kërko Face ID”.
-Çaktivizoni ruajtjen e bisedave në Clouds
Teksa kjo mund të jetë një mundësi e mirë për ju që të mos humbisni bisedat në telefonin tuaj, mesazhet këtu nuk mbrohen përmes kriptimit.