Gjendet i plagosur në makinë 26-vjeçari, ndërron jetë në spital

Një 26-vjeçar i plagosur me armë zjarri, ndërroi jetë mbrëmjen e së hënës në spitalin e Shkodrës. Ngjarja ndodhi rreth orës 19:00 në lagjen “Perlat Rexhepi” ne qytet. Viktima është Andrea Çoba. Sipas policisë ai u gjet fillimisht i plagosur me një plumb në kokë në mjetin e tij tip “Wolksvagen Golf”. I riu u dërgua menjëherë në spital, por si pasojë e plagëve të rënda, ndërroi jetë disa minuta më pas. Mjeket thane se e patën te pamundur te mbanin ne jete 26-vjeçarin Çoba. Fillimisht u dyshua për një atentat, por pas këqyrjes së vendngjarjes, policia ngriti dyshimet edhe për nje vetëvrasje. Po ashtu në mjetin e 26-vjeçarit u gjet edhe pistoleta së bashku me një gezhoje. Nga ana tjetër, grupi hetimor po punon për sqarimin e plotë të rrethanave te kësaj ngjarje.