Këshilli i Lartë i Prokurorisë ka miratuar këtë të hënë listën me katër kandidatët që do të garojnë për postin e kreut të SPAK-ut.
Në garë do të jenë prokurorët aktualë të kësaj strukture: Adnan Xholi, Doloreza Musabelliu, Klodian Braho dhe Elvin Gokaj.
Lista u miratua me 10 vota pro, duke konfirmuar se të katërt kandidatët plotësojnë kriteret për të vijuar më tej garën për drejtimin e Prokurorisë së Posaçme.
Në vijim, KLP do të thërrasë kandidatët për intervistë, ku secili prej tyre do të ketë mundësinë të paraqesë platformën dhe vizionin e tij për drejtimin e SPAK, ndërsa do të vlerësohet edhe përvoja e tyre profesionale.
Altin Dumani që drejton SPAK prej tre vitesh do t’i dorëzojë stafetën njërit prej këtyre katër emrave më 18 dhjetor./vizionplus.tv
