Një 27 vjeçar i shumëkërkuar për vrasje në Francë është arrestuar këtë të premte në Tiranë.
Sipas policisë, 27 vjeçari lindur në Nantes të Francës kishte ardhur në Shqipëri për tu fshehur pas krimit që kishte bërë në qytetin e tij të lindjes.
Informacionet bëjnë me dije se ky shtetas, dyshohet se në Nantes, Francë ka vrarë me pistoletë një shtetas dhe më pas është larguar në drejtim të Shqipërisë, ku ka hyrë me dokumentacion të rregullt para se të shpallej në kërkim ndërkombëtar.
Ndaj të arrestuarit autoritetet franceze kishin caktuar masë sigurie arrest me burg për veprat penale “Vrasja”, “Grup i strukturuar kriminal” dhe “Armëmbajtja pa leje”. Maksimumi i dënimit ”Burgim i përjetshëm”.
