FOTO/ Tramvaj del nga shinat dhe hyn brenda dyqanit në Norvegji, disa të plagosur

Një tramvaj doli nga shinat dhe u përplas me një dyqan në qendër të Oslos sot, duke plagosur shoferin dhe tre persona të tjerë, tha policia norvegjeze.

Rreth 20 persona ndodheshin në tramvaj në momentin e përplasjes, sipas policisë.

Pamjet nga vendi i ngjarjes, të publikuara nga mediat norvegjeze, tregojnë një tramvaj blu që ka hyrë në një dyqan kompjuterash në qendër të kryeqytetit norvegjez.

“Po punohet për të marrë një pamje të përgjithshme të zonës, por ka shumë dëme në dyqan”, thuhet në njoftimin e policisë.