Këto janë molotovët artizanale të hedhur dy ditë më parë në drejtim të forcave të policisë në KZAZ nr 6 në bashkinë e Vaut të Dejës.
Sipas policisë hedhja e tyre lëndoi 3 efektivë ndërsa për ngjarjen u arrestuan 15 persona.
Ndërkohë kryetari i bashkisë se Vau të Dejës Zef Hila u paraqit në prani të avokatit këtë të shtunë në drejtorine e policise se Shkodrës lidhur me ngjarjen.
Hila tha para hetuesve se ai nuk ka kryer veprime të kundraligjshme ndaj KZAZ apo efektivevë ndryshe nga sa pretendon policia.
Nga ana tjeter burimet thane se ai do ndiqet penalisht ne gjendje te lire.
