Vizion Plus ka siguruar foton e Asqeri Mandrit, 34-vjeçarit të arrestuar ditën e sotme nga policia.
Mandri akuzohet se ushtronte dhunë fizike ndaj bashkëshortes së tij, të cilën e mbante të izoluar në shtëpi dhe e monitoronte me kamera.
Lexo edhe :
Related Posts
Gazetari Esido Barkaj mëson se Mandri kishte 6 muaj që ishte kthyer nga Gjermania dhe vetëm pask kthimit kishte nisur të monitoronte me kamera të gjitha ambientet e shtëpisë.
Në çdo dhomë kishte vendosur nga 3 kamera në kënde të ndryshme, përfshirë edhe ambientet jashtë.
Ishte i papunë që pas kthimit nga Gjermania, ndërsa fillimisht ka tentuar të pengojë për të punuar edhe bashkëshorten, e cila fillimisht për 2 javë nuk ka shkuar në punë prej xhelozisë, por është rikthyer.
Në deklarimet e tij Mandri është shprehur se i monitoronte se “kështu ma dha truri”.
Ndërkohë bashkëshortja deklaron para hetuesve se pas kthimit nga Gjermania ka shfaqur shenja të theksuara xhelozie dhe gjithë kohën e shante duke e akuzuar edhe për tradhti.
Çifti ka 4 fëmijë, të cilët bashkë me nënën kanë rënë pre e dhunës së vazhdueshme. Denoncimin në polici e ka kryer bashkëshortja, e cila ka kërkuar ndihmë dhe agjentët e Komisariatit nr. 3 kanë gjetur shtëpinë të monitoruar me kamera./vizionplus.tv
