Brad Pitt dhe partnerja e tij, Ines de Ramon, morën pjesë së fundmi në premierën londineze të filmit “F1”, ku aktori luan rolin kryesor.
Të dy u shfaqën në tapetin e kuq, duke tërhequr vëmendjen e mediave dhe fansave, veçanërisht për një moment të ëmbël mes tyre. Në një çast, Ines u përkul për ta ndihmuar Bradin të rregullonte kravatën dhe shallin prej sateni, ndërsa pozonin para kamerave. Gesti i saj u komentua gjerësisht si një shenjë e mbështetjes së fortë që aktori gjen te partnerja e tij.
Teksa kalonin nëpër turmë, çifti mbante duart, duke dhënë një imazh të dashurisë dhe afërsisë së tyre.
61-vjeçari Pitt pati gjithashtu një takim të përzemërt me aktorin Tom Cruise, të cilin e përqafoi sapo mbërriti. Të dy yjet pozuan së bashku për fotografët, duke u bërë një nga momentet më të spikatura të mbrëmjes.
Brad dhe Ines janë në një lidhje që nga viti 2022. Burime pranë çiftit kanë pohuar më herët për mediat ndërkombëtare se Pitt është “kokë e këmbë i dashuruar” me Ines dhe se lidhja e tyre është serioze.
Ines, me origjinë nga New Jersey, është diplomuar në administrim biznesi në vitin 2013. Sipas profilit të saj në LinkedIn, që nga viti 2020 ajo ka qenë menaxhere e shitjeve me shumicë në kompaninë e njohur të bizhuterive Anita Ko, e cila numëron mes klientëve të saj emra si Kourtney Kardashian dhe Hailey Bieber.
Karriera e saj përfshin gjithashtu përvoja të tjera në industrinë e bizhuterive dhe modës, duke përfshirë Christie’s dhe de Grisogono. Ajo është gjithashtu një poliglote e talentuar, që flet rrjedhshëm anglisht, spanjisht, frëngjisht dhe gjermanisht.
