FOTO/ Eminem në Lojërat Olimpike? Harkëtari Italian bëhet viral me ngjashmërinë me reperin
Lojërat Olimpike kanë qenë në qendër të vëmendjes dhe kanë prodhuar shumë ngjarje që janë bërë virale.
Rasti më i fundit është i harkëtarit Italian Mauro Nespoli. Pasi 36-vjeçari doli në fushë, pamjet e tij u përhapën shumë shpejt në rrjetet sociale. Të gjithë menduan se Nespoli ishte reperi amerikan Eminem.
“Eminem nga Italia,”-shkruan përdoruesit e rrjeteve sociale që kanë ndarë edhe pamjet nga Lojërat Olimpike.
Mauro fitoi medaljen e argjendtë individuale në Lojërat Olimpike Verore të Tokios 2020 dhe ishte anëtar i ekipeve italiane që fituan medaljen e artë në Lojërat Olimpike Verore 2012 dhe argjendin në Lojërat Olimpike Verore 2008, por ekipi i tij humbi ndaj Francës në Paris të hënën. Tani, Nespoli do të përballet me Kanadanë të dielën më 4 gusht.
