Andrea Kalemi, i njohur ndryshe edhe me emrin Adriatik, është arrestuar nga RENEA dhe policia e Gjirokastrës në kuadër të operacionit të koduar ‘Plani’. Kalemi ishte një nga emrat më të përfolur të drejtësisë dhe të policisë në disa ngjarje të rënda që shokuan vendin gjatë dy viteve të fundit.
Në pranga gjithashtu në kuadër të këtij operacioni ka rënë edhe Andrew Bode, i dyshuar si autori i vrasjes së Edmond Papës në Tiranë. Bode prej dy vitesh ishte në kërkim policor. Ai është arrestuar i fshehur në banesën e Julian Kalemit, ku edhe ky i fundit është kapur nga blutë.
Lexo edhe :
Related Posts
Ndaj Bodes rëndojnë akuzat vrasje me paramendim, kryer në bashkëpunim dhe armëmbajtje pa leje. Gjatë kontrollit në banesën e Andrea Kalemit, policia gjeti një arsenal armësh dhe një shumë prej rreth 45 mijë eurosh. Dyshohet se armët janë marrë pasi Kalemi kishte nisur planin për tu hakmarrë për vrasjen e babait të tij, ngjarje e ndodhur në korrik të këtij viti në Memaliaj.
Në këtë masakër u vranë me armë zjarri 3 persona. Shyqyri Kalemi, babai i Andreas ndërroi jetë në vend. Po ashtu të vdekur mbeten kamerieri Gledio Muka dhe klienti Marsel Çela që nuk kishin lidhje me ngjarjen.
Plumbave nuk u shpëtoi as xhaxhai i Andreas, Artur Kalemi, i cili mbeti i plagosur rëndë. Autorët që dyshohen se ishin vrasës me pagesë dyshohet se kishin informacion se në këtë lokal ndodhej edhe shënjetra e tyre pikërisht Andrea Kalemi./vizionplus.tv
