Ish-presidenti Donald Trump iu drejtua mbështetësve të tij në Florida teksa po shkon drejt rrugës së fitores si President i 47-të i SHBA.
Ai falenderoi popullin amerikan dhe tha se shpreson që një ditë ata të shikojnë prapa dhe ta konsiderojnë këtë “një nga ditët më të rëndësishme të jetës së tyre”.
“Dua të falënderoj popullin amerikan për nderin e jashtëzakonshëm që u zgjodha presidenti juaj i 47-të dhe presidenti juaj i 45-të”, tha ai.
“Amerika na ka dhënë një mandat të paprecedentë dhe të fuqishëm,” vazhdon ai, duke iu referuar partisë së tij që fitoi Senatin nga Partia Demokratike.
Trump: Është një fitore që askush nuk e ka parë më parë. Kjo nuk ka ndodhur kurrë më parë në këtë vend. Ne do të rregullojmë problemet në vend, do të rregullojmë kufijtë, ne bëmë histori sot. Shihni çfarë ndodhi? A nuk është çmenduri?
Unë do të luftoj për çdo familje, për të ardhmen tuaj, do të luftoj çdo ditë. Nuk do të pushoj derisa të kemi vendin e sigurt dhe të begatë që meritojmë. Do të jetë epoka e artë e SHBA. Ne do ta bëjmë Amerikën të mrekullueshme përsëri. Ka shumë dashuri në këtë dhomë. Partnerët e mi ndihmuan për ta bërë atë një udhëtim të mrekullueshëm. Ky grup njerëzish të mrekullueshëm. SHBA-ja na dha një mandat të papritur, për të kontrolluar edhe Senatin, uau.
Trump shoqërohej nga kandidati i tij për zëvendës president JD Vance, gruaja e tij Melania Trump dhe stafi i fhushatës.
Duke vijuar me fjalimin, Trump tha se kjo do të jetë “epoka e artë e Amerikës”.
“Kjo është një fitore madhështore për popullin amerikan, që do të na lejojë ta bëjmë Amerikën përsëri të madhe,” shton ai, duke përdorur sloganin dhe frazën e tij të fushatës.
Ai falenderoi gruaj e tij, Melania, duek e quajtur atë Zonjën e parë.
“Ajo ka bërë një punë të shkëlqyer,” thotë ai, duke shtuar se “punon shumë për të ndihmuar njerëzit”.
Ai falenderoi gjithashtu “fëmijët e tij të mrekullueshëm”, duke i përmendur secilin prej tyre teksa qëndrojnë në skenë me të.
Më pas, Trump përgëzon njeriun që ai thotë se do të jetë zëvendëspresidenti i ardhshëm i SHBA: JD Vance.
Trump ka shpallur fitoren, ndonëse nuk i ka arritur ende votat zyrtare të kërkuara të kolegjit zgjedhor./vizionplus.tv
