Finalja në “Wembley” garanton një mbrëmje spektakolare, me dy gjigandet e Europës Itali –Angli, që kanë më shumë se gjysmë shekulli që presin trofeun në shtëpi. Kombëtarja e “3 luanëve” e shijon luksin e të qenit në një finale të kampiontit europian për herë të parë pas plot 55 vitesh ndërsa Italia do Europianin e dytë pas atij të fituar në shtëpi në vitin 1968.
Nëse i referohemi statistikave, dy kombëtaret numërojnë 27 ndeshje mes tyre. Të kaltrit e Mancinit kanë një avantazh të lehtë me 10 fitore ndërsa skuadra e Sauthgejt numëron 8 triumfe dhe 9 takime janë mbyllur në barazim . Dueli I fundit që i ka përplasur këto dy ekipe daton tri vite më pare.
Në mars të vitit 2018 , një miqësore e luajtur sërish në stadiumin “Wembley” përfundoi ne barazim 1-1.
Nga ajo kohë, gjërat nuk janë më të njëjta aq më tepër që rëndësia që merr një ndeshje finale e kampiontit europian është shumë herë më e lartë.
Statistikat që dy skuadrat kanë në ndeshjet e kampionatit Europian, flasin vetëm për dy triumfe të Italisë përkatësisht në grupet e vitit të largët 1980, e mbyllur me fitoren minimale 1-0 dhe në euro2012”, ku Italia u kualifikua në gjysmëfinale vetëm pas fitores me penallti
Megjithatë futbolli ka treguar se gjithçka mund të ndodh e aq më tepër kur kemi të bëjmë me dy kombëtare gjigante si Italia dhe Anglia.
Finalja do të luhet të dielën në orën 21:00 në stadiumin e Wembley-t , në Londër.
