Filmi francez ‘Bellus” është fituesi i festivalit ndërkombëtar të filmit me metrazh të shkurtër që u zhvillua në qytetin e Korçës . Për 5 netë me radhë filmat që konkuronin në këtë festival krijuan një hapësirë të re argëtimi për qytetarët dhe turistët që zgjodhën Korçën për të pushuar.
Kryetari i jurisë, maqedonasi Islia Piperkoski vlerësoi filmat që konkuruan në këtë festival duke vënë në dukje peshën që filmat me metrazh të shkurtër kanë në kinematografi
ISLIA PIPERKOSKI
KRYETAR I JURISË
“Filmat ishin shumë cilësorë, mu bë qejfi që pashë aq shumë filma në konkurrim. Mendoj se e ardhmja e kinematografisë botërore është filmi me metrazh të shkurtër deri sa dhe koha moderne e kërkon këtë. Filmat ishin të gjithë shumë të mirë por kishte disa që përtej cilësisë përcillnin dhe mesazhe të forta ndaj e kishin kuptuar se filmi nuk duhet të ketë vetëm pamje të mirë por dhe kuptim, e regjisorët ishin përkushtuar shumë për të dhënë botës disa filma që do të ngelen gjatë në memorien time e të tjerëve “
Gjatë 5 netëve të festivalit ndërkombëtar të filmit me metrazh të shkurtër në Korçë u shfaqën 36 filma, 5 prej të cilëve ka qenë prodhime gjermanë.
