Polica e Fierit ka arrestuar një 35-vjeçar dhe dy të afërmit e tij, pasi tentoi të vriste me armë zjarri një 32-vjeçarin me iniciale A.Y. Ngjarja është shënuar në fshatin Kreshpan.
Në pranga përfundoi E. M., 35 vjeç, i cili ishte larguar nga vendngjarja dhe dy të afërmit e tij, F. M., 69 vjeç dhe Z. M., 47 vjeç, të cilët e kishin ndihmuar autorin duke i fshehur armën me të cilën ai kishte tentuar të kryente vrasjen. Ata u arrestuan në flagrance për moskallëzim krimi.
Në cilësinë e provës materiale u sekuestruan arma e krimit dhe 80 fishekë.