Të rinj nga Shqipëria, rajoni dhe bota janë bërë bashkë në një ekspozitë që promovon dhe i jep mundësi këtyre talenteve të promovojnë artin në Galerinë e Tiranës.

 

Benita Jasiqi, e cila ka ardhur nga Kosova, është njëra prej piktoreve që i bashkohet për herë të dytë këtij organizimi. Ajo e vë theksin në faktin se Shqipëria i ofron më shumë mundësi të rinjve dhe u hap rrugë të reja, ndryshe nga vendi i saj.

 

BENITA JASIQI
PIKTORE
“Në Kosovë nuk kam marrë pjesë asnjëherë se nuk më është dhënë mundësia ndërsa në Shqipëri është hera e dytë që marr pjesë. Por mendoj se si në Kosovë dhe në Shqipëri janë shumë të pakta mundësitë që i jepen artistëve të rinj.”

 

Ky edicion ka si kryefjalë të tij të studentët e rinj, të cilët përmes krijimtarisë së tyre do të gjejnë gjuhën e përbashkët të komunikimit.

 

BRISILDA TARE
PIKTORE
“Më ka vlejtur shumë se është hera e parë që unë marr pjesë në një ekspozitë në tiranë. është mundësi e mirë pasi frymëzohesh, inspirohesh dhe krijon kontakte me artistë të tjerë.”

 

DORIAN LIÇKOLLARI
PIKTOR
“Është një mundësi shumë e mirë për të ekspozuar punët tonë si artistë të Shqipërisë e duke u njohur dhe me punë të tjera nga artistë nga jashtetit.

 

Përmes punimeve të tyre në pikturë, skulpturë, vizatime, fotografi, instilacione, etj. artistët kanë sjellë tematika aktuale dhe jo vetëm.

 

ERNES ORUÇI
PIKTOR
“Këto kanë nisur që nga viti 2019 ku çdo ditë njiheshim me lajme për armikun e padukshëm nga ku dhe unë u frymëzova.”

 

Festivali Konteporan Ndërkombëtar i Tiranës i organizuar nga VIZART, do sjellë tri ditë të mbushura plot me aktivitete në kryeqytet, për të gjithë artdashësit.

Leave a Reply

Your email address will not be published. Required fields are marked *